📋 付款方式 · 規則 · 條款

💳 付款方式

網上預約：付款頁會一次過收取預約費及每位 HK$50 可退押金；付款成功後自動鎖位，唔使另傳付款截圖。

押金：完成體驗同場地檢查後，會喺 3–5 個工作天內原路退回，銀行入賬時間可能較長。如要扣款，我哋會提供相片同金額說明，餘額照退。

即場入座：有空位先可以安排，可用 PayMe、FPS、AlipayHK 或現金即場付款。

📅 預約條款

• 預約以付款後為準 — 未付款唔會保留時段。
• 可退押金：每位 HK$50；混豆、嚴重弄污、損壞工具／場地或逾時，可按實際合理整理、維修或加鐘費用扣除，並提供相片及金額說明。
• 晚間自助：19:00–00:00 只接已付款確認預約；預約必須喺午夜前完成。
• 改期：請最少 48 小時前通知店方，可免費改期一次；取消期限仍按原本預約日期計算。
• 取消／退款：必須同時在付款後 5 日內，並距離原預約開始最少 5 日（120 小時）取消，預約費及押金先會全數原路退回；任何一個期限已過均不設自助取消退款。
• 無故缺席：預約時間後 30 分鐘未到，當日時段自動取消；預約費不退，未使用場地嘅押金會原路退回。
• 團體 / 包場（5 人或以上）：請直接 DM IG @dimdimlok.hk 查詢，確認後需付 50% 訂金。
• 惡劣天氣／店方取消：如天文台懸掛 8 號風球、黑色暴雨警告或店方未能提供場地，可免費改期或全額退款。

🏪 店內守則

點點樂係半自助拼豆空間，希望大家一齊保持舒適整潔嘅環境。多謝合作 💛

• ⚠️ 混豆 — 未用過、確定同色嘅豆先放回原樽；已倒出或混色嘅豆請放入「混豆回收杯」，唔好倒返原樽。嚴重混豆可按實際合理整理費由押金扣除。
• ⚠️ 清潔 — 離場前請清理自己位置嘅珠碎、工具同紙巾。枱面保持乾淨。
• ⚠️ 工具 — 珠盤、燙斗、镊子請輕手使用。損壞需按情況賠償。
• 🔶 燙豆 — 19:00前可搵店主協助；19:00後可以跟店內安全指引自助燙豆，只限成年人操作，小朋友須由成人全程陪同。
• 🔶 空間 — 每人一個座位區域，唔好霸佔隔離空位放個人物品（人多時）。
• ℹ️ 安全 — 燙斗高溫，使用時請小心。如需協助即時通知店員。豆珠為小零件，請勿放入口，6 歲以下兒童需成人全程陪同。
• ℹ️ 離場 — 夠鐘前 15 分鐘開始收拾，將用過嘅豆分類放好。準時交枱。

💰 價錢一覽

學生價須出示有效全日制學生證；團體／包場另議。

📝 免責聲明

最後更新：2026 年 7 月